تحدث المهندس ياسين منصور، عضو مجلس إدارة النادي الأهلي عن كواليس اتخاذه قرار الترشح على منصب النائب بدلًا من الرئيس، قائلاً: "بالنسبة لي أنا، وبالنسبة للنادي الأهلي، طبعًا الكابتن محمود الخطيب هو أسطورة كروية مصرية وأهلاوية، لكنه تعبان شوية، وقالوا إنه مش هيكمل فكان مطروح إني أنزل رئيس أو نائب". 

وأضاف منصور في تصريحات تلفزيونية: "أنا قلت له: بالعكس، أنا عايز أبدأ كنائب، لأني ماقدرش أجي من برايتون وأقعد أقول شيل ده، حط ده، وده غلط  لأ، أنا عايز أخش، وأفهم النادي من جوه، وأبدأ أشتغل من الداخل، وآخد قرارات على أساس اللي شفته". 

اقرأ أيضًا.."هادئ وقوي الشخصية".. إشادة أوروبية بـ توروب مدرب الأهلي

وتابع: "عدت إلى الأهلي لأني بطبعي شخص متصالح مع نفسي، لكن الفترة الماضية كانت مليئة بضغوط العمل من وقت الثورة في 2011، أنا وشركتي مررنا بتحديات كبيرة، وكان لابد أن أركز على شغلي في السنوات الأخيرة". 

وواصل: "علشان أكون نائب رئيس الأهلي، قلت لفريقي في الشغل: النهاردة عندي إدارة، عندي إدارة نادي حتى ابني الكبير كان في أبو ظبي، لكن شايف إن ده الوقت المناسب". 

كما أعرب منصور عن طموحه في أن يصبح الأهلي ناديًا عالميًا، قادرًا على المنافسة أوروبيًا قائلاً: "أنا شايف إن الأهلي ميلعبش في إفريقيا، شايفه يلعب في أوروبا، وفي بطولات UEFA وخلي بالك، الأهلي هو أقوى براند رياضي في الشرق الأوسط، وأنا مؤمن بده دايمًا". 

واختتم حديثه برسالة: "ولاد الأهلي كل واحد عارف بيعمل إيه أنا مشجع للنادي الأهلي من وأنا عندي 4 سنين واتضربنا كتير من الاتحادوية بس علشان حب الأهلي".