غاب إمام عاشور عن حسابات حسين عموتة، المدير الفني للأهلي، خلال مواجهة برشلونة، رغم مشاركته في تدريبات الفريق خلال اليومين الأخيرين، لكنه لم يندمج بشكل كامل في المران الجماعي.

وأنهى الأهلي معسكره في إسبانيا بمواجهة برشلونة في بطولة كأس خوان جامبر، لكن لم يظهر لاعب وسط الفريق في أي دقيقة بالمباراة على ملعب "سبوتيفاي كامب نو".

اقرأ أيضًا.. أول تعليق من حمزة عبد الكريم بعد هدفه أمام الأهلي

وقال محمود شوقي عبر قناته الرسمية على "يوتيوب": "إمام عاشور اتمرن في آخر يومين، لكن طبعًا ما اندمجش جامد في التمرين الجماعي مع الفريق، عشان كده عموتة استبعده من حساباته خلال مباراة برشلونة".

وأوضح: "لكن ما استبعدوش في العموم لسه يا جماعة، موضوع الاستبعاد في العموم ده مش دلوقتي خالص. مش معنى كده إن أنا بقول لك إنه هيستبعده".

وتابع: "إمام عاشور لو تمرد على النادي الأهلي هيكون في إجراءات ضده، لو عمل أي خطأ هيكون فيه عقوبات مالية، لو رفض إنه يجدد عقده مع النادي الأهلي، فمسألة لعبه من عدمه تخص المدير الفني وإدارة النادي".

وأكد شوقي في النهاية: "خروج إمام عاشور من حسابات المدير الفني في ماتش برشلونة ما فيهاش أي نوع من أنواع العقاب، لأنه ما تمرنش مع الفريق بشكل جماعي".