علق عماد متعب، على انتهاء موسم الأهلي بتحقيق المركز الثالث والتأهل للعب الكونفدرالية.

وفاز الأهلي على منافسه المصري البورسعيدي، بثنائية نظيفة، لينهى موسمه في المركز الثالث متأهلا لبطولة الكونفدرالية الإفريقية.

اقرأ أيضًا | ترتيب الدوري المصري بعد جولة الحسم .. موقف الأهلي

متعب يعلق على موسم الأهلي 

وقال متعب في تصريحات عبر قناة "أون سبورت":"أول مرة في حياتي أكون في الموقف ده والنادي الأهلي مصيره ميكونش في إيده وفي إيد المنافس، والأهلي لازم يبص في ورقته الأول ويخلصها وبعدين يبص على المنافسين، لأن لو المنافس تعثر وإنت خسرت مش هيحصل جديد".

وأضاف نجم الأهلي السابق:"اللاعبان اللي عملوا اللي عليهم الموسم ده هما تريزيجيه ومروان عطية، لكن باقي اللاعبين كنت منتظر منهم أكتر من كده".

كما أشاد بمستوى ياسر إبراهيم خلال الموسم الحالي، مؤكدًا أنه من اللاعبين الذين ظهروا بشكل جيد، رغم تراجع مستوى عدد من العناصر الأخرى.

وعن ياسين مرعي قال :"ياسين مرعي بيشتغل وبيطور من نفسه، لكنه موجود في أصعب فترة للنادي الأهلي، والظروف مش أحسن حاجة، لكن عنده كتير يقدمه".

واختتم متعب تصريحاته بالتأكيد على أن الطريق الوحيد لاستعادة ثقة جماهير الأهلي يتمثل في تحقيق الانتصارات مع تقديم أداء قوي داخل الملعب، قائلًا: "الأهلي يراضي جماهيره بالمكسب والأداء المميز وعودة الروح، كلها حاجات بترجع الثقة بين اللاعبين والجماهير".