مشاعر كثيرة وأحداث كانت موجودة قبل وأثناء وبعد مباراة نهائي القرن بين الأهلي والزمالك في عام 2020، يتم الكشف عنها في الذكرى الخامسة للبطولة التاسعة للمارد الأحمر.

عمرو السولية، لاعب وسط الأهلي السابق، تحدث في بودكاست "إحنا الإيجبشن ليج" عن شعوره قبل المباراة وكذلك أثناء الهدف الشهير لزميله، محمد مجدي أفشة، الذي قلب مجريات اللقاء.

اقرأ أيضًا | خمس سنوات على "القاضية ممكن".. كيف انهار وهم الزمالك أمام الأهلي في نهائي القرن؟

قبل نهائي القرن، كشف عمرو السولية عن حالة التوتر الشديد التي عاشها مع زملائه: "احنا حرفيًا مكناش بنام، أولًا بسبب الخوف من المسحات بسبب فيروس كورونا، وثانيًا لأن ده نهائي إفريقيا وقدام الزمالك وعلى ستاد القاهرة، اللي هيكسب الماتش ده هيعيش عليه طول حياته".

وأضاف عن حالة الثقة لدى المنافس قبل المباراة: "الزمالك كانوا واثقين من نفسهم قوي بعد الماتشين اللي عملوهم قصاد الرجاء، وكانوا فرقة جامدة جدًا، كان واصل لهم إحساس إننا هنكسب الماتش ده كده وكده".

وتابع عن تعليقات اللاعبين المنافسين: "فرجاني كان بيقول لمعلول في معسكر تونس: هنكسبكم ونحمل عليكم حفلة، وكمان قبلها في معسكر المنتخب، طارق حامد وأكتر من حد من الزمالك قالولي: احنا الماتش الجاي هنكسبكم وهناخد إفريقيا، كنت ببصلهم كده وأقول: هنشوف مين اللي هيكسب".

واعترف عمرو السولية السولية عن لحظة هدف الفوز: "مكنتش مصدق لحظة هدف أفشة في نهائي القرن، كنت شايف الكورة طالعة برا وفجأة بتطلع وبتنزل جوه الجول".

وأضاف: "وكل اللعيبة اللي على الدكة بيجروا على أفشة ومش مصدقين وبدأنا نكلم بعض احنا بنموت في الملعب بس الماتش يخلص كده".

وتابع: "الزمالك طبعا هيبقى عايز يتعادل وهيضغطنا، وكلامنا كان إن لو هنموت في الملعب نموت، بس الماتش ده يخلص كده، مينفعش أي حاجة غير كده".

وأشار السولية: "تلك اللحظة لم تكن مجرد هدف، بل كانت نقطة تحول في اللقاء، كانت هناك صعوبة في التعامل مع الضغط النفسي في تلك المباراة التاريخية".