أكد ياسر إبراهيم، مدافع الفريق الأول لكرة القدم بالنادي الأهلي، أن هدف الفريق ثابت في كل بطولة يشارك بها، وهو تحقيق اللقب وإسعاد الجماهير، مشيرًا إلى أن اللاعبين يعيشون حالة من التركيز قبل مواجهة سيراميكا كليوباترا في كأس السوبر المصري.

ويلتقي الأهلي وسيراميكا في نصف النهائي يوم الخميس المقبل في تمام الساعة الخامسة بتوقيت "القاهرة" على ملعب "هزاع بن زايد" في الآمارات.

اقرأ أيضًا.. توروب يفاجئ جماهير الأهلي قبل السوبر المصري بقرار غير متوقع

وقال ياسر إبراهيم عن البطولة في تصريحات عبر المركز الإعلامي للنادي: "طبعًا النادي الأهلي معروف، أي بطولة بيدخلها لازم يدخل وهدفه ياخد البطولة، فأي مكان بنروح هدفنا الأول والأخير إننا نرجع بالكأس إن شاء الله".

وتابع: "مباراة سيراميكا صعبة، الفريق كويس ومنظم وبيقدم كورة حلوة، وإن شاء الله نذاكرهم كويس مع المدير الفني واللاعبين ونقدر نعدي الماتش".

واستمر: "ييس توروب مبقالوش فترة كبيرة، بس بنحاول نعمل محاضرات معاه، وفي التمرين بنطبق الكلام اللي بيقوله، وبنستوعب الناحية الفنية بشكل أكبر عشان نطبقها في الملعب".

وأضاف: "إن شاء الله نسمع منه أكتر ونطبق كل التعليمات، واللاعبين الكبار دورهم مهم جدًا في الفترة دي علشان نعدي الصعوبات والماتشات الكتير اللي ورا بعض".

وواصل: "الصعوبات موجودة والمباريات كتير، بس إن شاء الله نقدر نعمل دورنا على أكمل وجه ونكون قد المسؤولية".

وأتم: "جمهور الأهلي مستنينكم في الآمارات، دايمًا بتكونوا في ضهرنا وبتدعمونا في أي مكان، وإن شاء الله نفرحكم بالبطولة".